اسلام آباد۔28 جولائی(اے پی پی)پاکستان اتے کرغزستان وچال تجارتی، اقتصادی، سائنسی اتے تکنیکی تعاون دے حوالے نال ݙو ݙینھ دا بین الحکومتی کمیشن دا اجلاس اسلام آباد اچ تھئے۔ اے اجلاس ݙوہاں ملکاں وچال ݙو طرفہ تعلقات کوں ٻیا تکڑا کرݨ اتے مختلف شعبیاں اچ تعاون ودھاوݨ دا عزم ݙسیندے۔ اجلاس دی مشترکہ صدارت وفاقی وزیر برائے توانائی (پاور ڈویژن) سردار اویس احمد خان لغاری اتے کرغز جمہوریہ دے نائب چیئرمین کابینہ برائے وزراء ایدل ??یسالوف کیتی۔ فریقین پچھلے اجلاس توں ہݨ تئیں دی پیش رفت دا تفصیل نال جائزہ گھدا اتے اقتصادی و تکنیکی تعاون ٻیا ودھاوݨ تے ات??اق کیتا۔ ݙوہاں ملکاں ݙو طرفہ تجارت ودھاوݨ دا عزم دوہرایا اتے تجارتی حجم 100 ملین امریکی ڈالر تئیں گھن ونجݨ دا ہدف مقرر کیتا۔ برآمدات و درآمدات اچ تنوع، پاکستان-کرغزستان جوائنٹ بزنس کونسل دی بحالی، تجارتی میلیاں، بزنس فورمز اتے بی ٹو بی تبادلیاں تے ات??اق کیتا ڳیا۔ مختلف اہم شعبیاں اچ تعاون کوں ودھاوݨ کیتے کئی مفاہمتی یادداشتیاں تے دستخط کیتے ڳئے۔ معیارات و کوالٹی دے شعبے اچ پاکستان دے ادارہ برائے معیار و کنٹرول اتے کرغز وزارت معیشت و تجارت دے مرکز برائے معیارات و پیمائش وچال مفاہمت دی یادداشت تے دستخط تھئے جیںدا مقصد معیار، میٹرولوجی، منظوری دے نظام اتے مینجمنٹ سسٹمز اچ تعاون کوں ودھارا ݙیوݨ اے۔ایں موقع تے سرمایہ کاری دے شعبے اچ پاکستان دے بورڈ آف انویسٹمنٹ اتے کرغز صدر دے تحت نیشنل انویسٹمنٹ ایجنسی وچال سرمایہ کاری دے ودھارے دی مفاہمتی یادداشت، پاکستان حلال اتھارٹی اتے کرغز وزارت معیشت و تجارت دے “مرکز برائے ترقی صنعت حلال” وچال حلال تجارت دی مفاہمت، ݙوہاں ملکاں وچال بجلی دی درآمد، قابل تجدید توانائی، کان کنی، ہائیڈروکاربنز اتے تکنیکی تعاون تے ات??اق تھیا۔ علاقائی روابط اتے ٹرانسپورٹیشن، فائبر آپٹک رابطے دے منصوبے اچ پاکستان رلاوݨ تے گالھ مہاڑ تھئی۔ مالیاتی شعبے اچ تعاون، صحت اتے دواسازی، طبی تعلیم، فارماسیوٹیکل، سرجیکل آلات اتے ویکسین و بائیولوجیکل مصنوعات اچ مشترکہ منصوبیاں، ثقافتی تعاون سودھا سائنسی و تعلیمی اشتراک تے رضامندی ݙکھائی ڳئی۔
.jpg)
.jpg)
.jpg)
