اسلام آباد/ لاہور ۔ 12 دسمبر (اے پی پی) عید میلاد النبیﷺ دے حوالے نال سنوار کوں لہور اچ قومی سیرت النبیﷺ کانفرنس دے اخیری سیشن اچ وفاقی وزیر مذہبی امور و بین المذاہب ہم آہنگی سردار محمد یوسف کانفرنس اچ شریک ساری دنیا دے شرکاءدا شکریہ ادا کیتا ۔انہاں آکھیا جو دنیا دے مختلف ملکاں اچوں کٹھے تھیونڑآلے اہل علم دا کانفرنس اچ شریک تھیونڑاں اے ظاہر کریندے جو بین المذاہب ہم آہنگی اساں ساریاں دی لوڑ ہے ۔ اتے ایں باے اساں کوں اپنڑاں آپنڑاں کردار ادار کرنڑاں ہوسی ۔ اسلامی تعلیمات اتے اسوہ رسولﷺ دی روشنی اچ بین المذاہب ہم آہنگی دے موضوع تے تھیونڑآلی کانفرنس نال خطاب کریندے ہوئیں وفاقی وزیر مذہبی امور آکھیا جو کانفرنس دے انعقاد نال مذہبی ہم آہنگی دے فروغ اچ مدد ملسی۔ انہاں آکھیا جو مذہبی رواداری دے پہلو دی روشنی اچ وڈے مسلیاں داحل چنگے طریقے گولیا ونج سگے ۔ انہاں آکھیا جو اسلام ہک عالمی دین دی حیثیت رکھیندے اتے نبی کریم ﷺ دی رحمت صرف مسلماناں کیتے ہئی کائنی جڈانجو سایاں کیتے ہے ۔ انہاں آکھیا جو ایں منفرد کانفرنس دے کراونڑ نال مذہبی رواداری اتے بین المذاہب ہم آہنگی دے فروغ اچ مدد ملسی۔ایں موقعے تے مذہبی امور و بین المذاہب ہم آہنگی دے وزیر مملکت پیر محمد امین الحسنات نو نکات تے مشتمل کانفرنس دا اعلامیہ پیش کیتا جیہڑا جو کانفرنس اچ شریک علماءاتے بئے مذاہب نال تعلق رکھنڑآلے سکالرز دی آپس دی صلاح نال تیار کیتا گئے ۔ کانفرنس نال ترکی دے محکمہ مذہبی امور دے صدر ڈاکٹر مہمت گورمیز وی خطاب کیتا اتے سیرت رسولﷺ اُتے روشنی پاتی ۔ کانفرنس اچ وفاقی و صوبائی وزراء، اراکین سینیٹ و قومی اتے صوبائی اسمبلی سمیت اعلیٰ سرکاری حکام اتے مختلف ملکاں نال تعلق رکھنڑ آلے مذہبی سکالرز اتے بئے مذاہب توں تعلق رکھنڑآلے افراد وی شرکت کیتی۔
