اسلام آباد۔5فروری(اے پی پی):یوم یکجہتی کشمیردے موقع تے آپݨے کشمیری بھراویں نال اظہار یکجہتی کیتے بھارتی جبر دے خلاف جدوجہد اچ ھک منٹ کیتے چپ اختیار کیتی ڳئی ۔ اتوار دی سویل 10 وڄے ھک منٹ دی خاموشی اختیار کیتی ڳئی جیں اچ بہادر کشمیریاں دی بھارتی جبر دے خلاف ݙھاکیں توں جاری انتھک جدوجہد اتے انہاں دی حمایت تے انہاں کوں خراج عقیدت پیش کیتا ڳیا ۔ یوم یکجہتی کشمیر دے موقع تے مظلوم کشمیری عوام دی حالت زار دے پاسے عالمی برادری دی توجہ کراوݨ کیتے پورے ملک اچ ریلیاں، سمپوزیم،واکس اتےمیٹنگز دا انعقاد کیتا ڳئے ۔ ایں موقع تے پرنٹ تے الیکٹرانک میڈیا دے ذریعے مختلف پروگرامز اتے پیغامات نشر کیتے ڳئن ۔
