اسلام آباد۔12جنوری (اے پی پی) وفاقی وزیرداخلہ محسن نقوی آئی نائن اچ ملزماں دی فائرنگ نال ٹریفک پولیس دے شہید جوان زبیر شاہ کوں خراج عقیدت پیش کریندیں ہوئیں آکھیا جو ݙکھے ویلھے سوگوار ٹبر دے نال کھڑوں۔ فائرنگ کرݨ آلے ملزماں کوں جلدی پکڑیا ونڄے۔ وزیرداخلہ آݙت وار کوں آپݨے بیان اچ شہید پولیس جوان زبیر شاہ دے لواحقین نال دلی ہمدردی تے تعزیت کیتی۔ وزیر داخلہ افسوسناک واقعہ دا نوٹس ڳھندیں ہوئیں ملزماں کوں جلدی پکڑݨ دا حکم ݙتے۔ انہاں آکھیاجو شہید زبیر شاہ دے ٹبر کوں انصاف ݙیسوں۔ شہید دے ٹبر دی پوری ݙیکھ بھال کیتی ویسی۔
