لاہور۔24مارچ(اے پی پی)وفاقی وزیر داخلہ شیخ رشید احمد آکھیے جو بیوقوف اپوزیشن وزیراعظم عمران خان کوں سیاسی طور تے ولا جیندا کر ݙتے، خود داری و آزاد خارجہ پالیسی کیتے ساری قوم وزیراعظم عمران خان نال کھڑی تھی گئی اے، ہݨ انتخابات تھی ونڄن تاں اپوزیشن دا چیتا ڄاہ تے آویسی جو وزیراعظم عمران خان کتنی وݙی سیاسی طاقت نال آئن، جیکر اپوزیشن کولو ساݙے رسیے ہوئے لوک ہین تاں ساݙے کولو وی اپوزیشن دے بندے ہین۔ لاہور اچ پریس کانفرنس کریندے وزیر داخلہ شیخ رشید احمد آکھیے جو مسلم لیگ (ن) دی حالی تئیں جلسے دی کوئی درخواست نئیں آئی، جیکر کوئی شرارت یا کوئی مسئلہ تھیا تاں وزارت داخلہ ذمے دار نہ ہوسی، ساکوں انہاں نئیں ݙسایا جو انہاں دا مارچ دا کیا پروگرام اے؟ اے چاہندے کیا ہن؟ ساکوں درخواست ملسی تاں پتا لڳسی اتے اساں انتظامات وی کریسوں، انشااللہ حالات پرامن رہسن۔ انہاں آکھیے جو اساں 2 ہزار رینجرز، 1ہزار ایف سی اتے 9 ہزار پولیس سودھا 12 ہزار سکیورٹی اہلکار مقرر کیتن، لوڑھ پئی تاں 1 ہزار ایف سی یا 1 ہزار رینجرز ٻیا سݙ ڳھنسوں، وزیر اعظم عمران خان 27 مارچ کوں پریڈ گرائونڈ اچ تاریخی اتے عظیم جلسہ کریسن۔
