اسلام آباد۔11جولائی (اے پی پی) وفاقی وزیروزارت صنعت تے پیداواراتے نیشنل فوڈ سکیورٹی اینڈ ریسرچ رانا تنویر حسین خان آکھیا جو وفاقی حکومت کپاہ دی صنعت دے ودھارے کیتے اقدامات کریندی پئی اے، ٹیکسٹائل انڈسٹری دا فروغ کپاہ دی چنڳی پیداوار نال جڑیے۔ اے ڳالھیں انہاں آپݨی صدارت اچ پاکستان سنٹرل کاٹن کمیٹی دی گورننگ باڈی دے اجلاس اچ ڳالھ مہاڑ کریندیں ہوئیں آکھی۔ وفاقی وزیر آکھیا جو وفاقی حکومت کپاہ دی صنعت دے ودھارے کیتے ہرممکن اقدامات کریندی پئی اے۔ ٹیکسٹائل انڈسٹری کیتے بجلی دے فی یونٹ قیمت اچ ݙاہ روپے ڳھٹکی کر ݙتی ڳئی اے۔ کپاہ دی اؤڄوکی سالانہ پیداوار 8.4 ملین ڳٹھیں اے جیڑھی جو جاری مالی سال اچ 15 ملین تئیں ودھاوݨ کیتے کوششاں کیتی ویندی پئن۔ انہاں آکھیا جو نیشنل فوڈ سکیورٹی اینڈ ریسرچ دے مطابق رپورٹ دی روشنی اچ پی سی سی سی دی تنظیم نو کیتے سفارشات منڳی ڳئن اتے پاکستان سنٹرل کاٹن کمیٹی دا اجلاس اگلے ہفتے ولا تھیسی۔
.jpg)
