اسلام آباد۔1نومبر(اے پی پی) وفاقی وزیر صنعت و پیداوار رانا تنویر حسین آکھیے ملک اچ الیکٹرک گاݙیاں دے حوالے نال ترجیحی بنیاداں تے اقدامات چاتے ویندے پئن ،حکومت دی اے کوشش اے جو جدید تے ماحول دوست ٹیکنالوجی کوں ودھارا ݙتا ونڄے تاں جو نہ صرف ماحولیاتی آلودگی اچ کمی آوے بلکہ ایندھن تے انحصار وی گھٹ تھیوے ۔ سینیٹ اجلاس اچ سینیٹر ذیشان خانزادہ دے سوال تے جواب اچ انھاں آکھیے الیکٹرک گاݙیاں دے شعبے اچ سرمایہ کاری اتے ملکی سطح تے ایں صنعت دے ودھارے سانڳے پالیسیاں ترتیب ݙتیاں ویندیاں پئن ایں دے تحت تحت الیکٹرک گاݙیاں دے استعمال کوں سوکھا بݨاوݨ سانڳے انفراسٹرکچر دی بہتری، چارجنگ اسٹیشنز دا قیام، اتے ٻیاں ضروری سہولتاں تے خصوصی توجہ ݙتی ویندی پئی اے ۔ انھاں آکھیے ہݨ تئیں 51 لائسنس ایشو کیتے ڳئن۔
.jpg)
