اسلام آباد۔5جولائی (اے پی پی):صدر مملکت ڈاکٹر عارف علوی کیپٹن شیر خان (نشان حیدر ) کوں وطن دی حفاظت کیتے آپݨی جان دا نذرانہ پیش کرݨ تے شاندار الفاظ اچ خراج عقیدت پیش کیتے ۔ ایوان صدر دے پریس ونگ موجب صدر مملکت کیپٹن شیر خان دے 23 ویں یوم شہادت تے آپݨے پیغام اچ آکھیے جو پوری قوم شہداء دیاں قربانیاں دی مقروض اے۔ انہاں آکھیے کیپٹن شیر خان شہید بہادری اتے جواں مردی دی لازوال داستان رقم کیتی۔ صدر ڈاکٹر عارف علوی آکھیے شہداء دیاں قربانیاں کوں ہمیشہ یاد رکھیا ویسی ۔
