گڏيل قومون – 13 جون (اي پي پي) گڏيل قومن چيو آهي ته سڄي دنيا ۾ پناهگيرن ۽ بي گهر ماڻهن جو انگ 120 ملين کان وڌي ويو آهي. تاس گڏيل قومن جي پناهگيرن بابت هاءِ ڪمشنر جي سالياني گلوبل ٽرينڊز رپورٽ جي حوالي سان ٻڌايو ته پناهگيرن ۽ بي گهر ماڻهن جو انگ اپريل 2024 جي آخر تائين 120 ملين کان وڌي چڪو، هڪ اندازي مطابق 2023 جي آخر ۾ 117.3 ملين ماڻهو ظلم، جبر، تڪرارن، تشدد، انساني حقن جي ڀڃڪڙين ۽ امن کي سنگين طور تي پريشان ڪندڙ واقعن سبب بي گهر ٿيا، اهو اضافو 2022 جي آخر جي ڀيٽ ۾ 8 سيڪڙو يا 8.8 ملين (88 لک) وڌيڪ آهي. يو اين ايچ سي آر جو اندازو آهي ته 2024 جي شروعاتي چئن مهينن ۾ جبري لڏپلاڻ ۾ مسلسل اضافو ٿيو ۽ اپريل 2024 جي آخر تائين امڪان آهي ته اهو انگ 120 ملين کان وڌي ويو آهي. اداري جو چوڻ آهي ته جبري لڏپلاڻ امن ۽ سلامتي کي برقرار نٿي رکي سگهي، 2023 ۾ گهٽ ۾ گهٽ 27.2 ملين ماڻهو پنهنجا گهر ڇڏڻ تي مجبور ۽ انهن مان هر چوٿين کي پنهنجو اباڻو ملڪ ڇڏڻو پيو.
