اسلام آباد۔15جولائی(اے پی پی)وفاقی وزیر داخلہ رانا ثنا اللہ خان دی اڳواݨی اچ پنجاب اچ 17 جولائی کوں تھیوݨ آلے ضمنی انتخابات اچ امن و امان سانڳے وزارت داخلہ اچ اعلی سطح اجلاس تھئے جیندے اچ پنجاب دے وزیر قانون عطا محمد تارڑ، سیکرٹری داخلہ یوسف نسیم کھوکھر، چیف سیکرٹری پنجاب، آئی جی پولیس پنجاب اتے سینیر فوجی حکام اتے ٻئے اداریاں دے حکام شریک تھین۔ اجلاس اچ ضمنی انتخابات اچ سکیورٹی انتظامات سودھا انٹیلیجنس رپورٹس دا وی جائزہ ڳھدا ڳئے۔ اجلاس اچ فیصلہ تھئے جو ضمنی الیکشن اچ امن امان یقینی ٻݨایا ویسی۔
