لاہور۔19اکتوبر(اے پی پی) مسلم لیگ (ن) دی رکن سعدیہ تیمورعمران خان دے تریمت صحافی غریدہ فاروقی بارے بیان تے مذمتی قرارداد پنجاب اسمبلی اچ جمع کروا ݙتی ۔قرارداد اچ آکھیا ڳئے جو عمران خان دی طرفوں تریمت صحافی متعلق غیر اخلاقی الفاظ قابل مذمت ہن۔عمران خان ایں توں پہلے خاتون جج زیبا چوہدری بارے وی تڑی آلے الفاظ استعمال کرچکن ۔عمران خان ھک ایجھی سیاسی جماعت دے سربراہ ہن ، انہاں دی جماعت دیاں تریمتاں اسمبلیاں اچ موجود ہن، جلسیں اچ وی تریمتاں شریک تھیندن ۔ عمران خان جج زیبا چوہدری دے بعد غریدہ فاروقی دی نی ساریاں تریمتاں دی تذلیل کیتی اے ۔قرارداد اچ مطالبہ کیتا ڳئے جو عمران خان اپݨے غیر سنجیدہ بیان تے وختی معافی منڳن تے عمران خان تریمتاں متعلق بیانات ݙیندے سوچ سمجھ تے ڳالھ کیتی کرن ۔
