اسلام آباد۔20مارچ (اے پی پی):وزیر خارجہ محمد اسحاق ڈار خمیس 21 مارچ کوں برسلز اچ تھیوݨ آلی پہلی نیوکلیئر انرجی سمٹ اچ شرکت کریسن ۔ دفتر خارجہ دی ترجمان توں جاری بیان موجب سربراہی اجلاس اچ شرکت دے علاوہ وزیر خارجہ محمد اسحاق ڈار اجلاس اچ شرکت کرݨ آلے ملکاں دے رہنماواں اتے وزرائے خارجہ نال ݙو پاسے ملاقاتاں کریسن ۔ سربراہی اجلاس اچ وزیر خارجہ دی شرکت بین الاقوامی ایٹمی توانائی ایجنسی (آئی اے ای اے) نال پاکستان دے تعاون کوں مزید تکڑا بݨاوݨ تے جوہری توانائی دے پرامن استعمال بارے مشترکہ نقطہ نظر کوں ودھارا ݙیوݨ اچ معاون ثابت تھیسی۔
