اسلام آباد۔5دسمبر(اے پی پی):سپیکر قومی اسمبلی راجہ پرویز اشرف آکھیے قوم کوں آپݨے بہادر اتے جری سپوتاں تے فخر اے ۔شہدا دی قربانیاں اتحاد ،اخوت اتے بھرپی دا درس ݙیندن ۔ انہاں میجر محمد اکرم شہید(نشان حیدر) دے 52ویں شہادت دے ݙینھ تے آپݨے سنھیے اچ میجر محمد اکرم شہید (نشان حیدر )کوں خراج عقیدت پیش کیتے تے آکھیے جو میجر محمد اکرم شہید نشان حیدر 1971 دی جنگ اچ مادر وطن دے دفاع سانڳے آپݨی جان دا نذرانہ پیش کیتا ۔ میجر محمد اکرم شہید نشان حیدر دہلی دے محاذ تے بہادری اتے شجاعت دی لازوال تاریخ رقم کیتی۔ میجر محمد اکرم شہید نشان حیدر دی بہادری اتے شجاعت تے انہاں کوں ملک دے اعلیٰ ترین عسکری اعزاز (نشان حیدر) نال نوازیا ڳیا ۔ انہاں آکھیے جو پوری قوم میجر محمد اکرم شہید نشان حیدر دے 52ویں شہادت دے ݙینھ تے انہاں دی بہادری و جرات تے سلام پیش کریندی اے ۔ شہیداں دیاں قربانیاں پاروں اڄ اساں آزاد فضاواں اچ ساہ گھندے پیوں ۔
