لاہور۔16جون (اے پی پی)وزیراعلیٰ پنجاب سردار عثمان بزدار آکھیے جو ماضی دے حکمراناں اپݨے دور اچ کرپشن دے نویں ریکارݙ بݨائن، قبضہ مافیا دی حکومتی سرپرستی کیتی گئی اتے عوام دی حالت بدلݨ دی بجائے اشرافیہ دے گٹھ جوڑ نال ذاتی تجوریاں بھریاں ڳین، قومی وسائل ݙوہیں ہتھاں نال لٹݨ آلیاں کوں حساب ݙیوݨا ہوسی۔ وزیر اعلیٰ آکھیے جو بے بنیاد الزامات لاوݨ آلے پہلے اپݨے گریبان اچ جھاتی پاون، وزیراعظم عمران خان دی اڳواݨی اچ ترقی دے رستے تے ٹر پئے، وزیراعظم عمران خان دی اڳواݨی اچ عوامی خدمت دے نویں ریکارڈ ٻݨیسوں، وسائل قوم دی امانت ہین اتے ایکوں عوام کوں سہولتاں ݙیوݨ تے خرچ کریندے راہسوں۔
