اسلام آباد۔1مارچ (اے پی پی) صدر مملکت ڈاکٹر عارف علوی دا بینک کوں مرحوم قرضدار دے ٹٻر کوں چار لکھ 23 ہزار روپے واپسی دا حکم ݙتے۔ صدرمملکت وفاقی بینکنگ محتسب دا فیصلہ برقرار رکھیا اتے بینک آف پنجاب دی اپیل مسترد کر ݙتی۔ منگل کوں ایوان صدر دے پریس ونگ توں جاری بیان دے مطابق صدرمملکت آپݨے فیصلے اچ آکھیا جو بینک مرحوم قرضدار دے ٹٻر توں ہک پاسہ اتے غیر منصفانہ طور تے ودھ مارک اپ ڳھدے، شہری میاں اللہ وسایا ، بینک آف پنجاب توں 2015 اچ 30 لکھ روپے دا قرضہ ڳھدا، شہری 35 لکھ روپے دے ریگولر انکم سرٹیفکیٹ بطور سیکورٹی بینک کوں جمع کروائے۔ جنوری 2017 ء اچ شہری دی وفات تھئی پر بینک اکتوبر 2018ء تئیں مارک اپ وصول کیتا، بینک سرٹیفیکیٹ کیش کرائے، ، 57،294 روپے دی بجائے 480،489 روپے مارک اپ وصول کیتے۔ صدر مملکت ڈاکٹر عارف علوی دا بینک کوں مرحوم قرضدار دے ٹٻر کوں چار لکھ 23 ہزار روپے واپسی دا حکم ݙتے۔
