اسلام آباد۔13اپریل (اے پی پی) وزیر اعظم محمد شہباز شریف آکھیا جو پاکستان موسمیاتی تبدیلی اتے قدرتی آفات پاروں نال نبڑݨ کیتے استعداد کار کوں ٻیا ودھاوݨ کیتے انٹرنیشنل ریسکیو کمیٹی دی مسلسل حمایت چاہندے۔ اے ڳالھیں انہاں انٹرنیشنل ریسکیو کمیٹی (آئی آر سی) دے صدر اتے سی ای او ڈیوڈ ملی بینڈ نال ڳالھ مہاڑ کریندیں ہوئیں آکھی جنہاں خمیس کوں انہاں نال ملاقات کیتی۔ پاکستان نال آئی آر سی دی قابل قدر اتے پراݨی شراکت دی تعریف کریندیں ہوئیں وزیراعظم گزریل سال دے تباہ کن چھل اچ آئی آر سی دی ویلھے تے مدد دی تعریف کیتی۔ انہاں صدر آئی آر سی کوں چھل توں متاثرہ علاقیاں دی بحالی اتے تعمیر نو بارے ݙسیا۔ ڈیوڈ ملی بینڈ گزریل سال دے تباہ کن چھل دے اثرات ڳھٹ کرݨ کیتے ویلھے تے اقدامات کرݨ تے پاکستان دی حکومت دے عزم دی تعریف کیتی۔ ملاقات اچ وزیر اقتصادی امور سردار ایاز صادق، وزیر اعظم دے معاونین خصوصی ڈاکٹر جہانزیب خان، سید طارق فاطمی، چیئرمین نیشنل ڈیزاسٹر مینجمنٹ اتھارٹی لیفٹیننٹ جنرل انعام حیدر ملک اتے متعلقہ وزارتاں دے اعلیٰ حکام موجود ہن۔
