اسلام آباد۔11مئی(اے پی پی) کینیا دی پارلیمنٹ دے رکن فرح مالم محمد احمد آکھیے پارلیمان کوں قانون سازی توں نی روکیا وںڄ سڳدا ،سیاست اڄ کاروبار بݨ ڳئے ،احتجاج توں کوئی چیز حاصل نی کیتی ونڄ سڳدی ۔ اے ڳالھ انہاں دستور پاکستان دی گولڈن جوبلی توں بین الاقوامی کنونشن نال خطاب کریندے ہوئیں آکھی اے ۔ انہاں آکھیے جو انگریزاں قانون کوں انڄ انڄ نی کیتا ،میݙے حساب توں درست جمہوریت اومان اتے کویت کیتی اے ،قانون جے ختم وی کرݙتا ویندے تاں قانون رہندے ، اساکوں غلطی دہراوݨ دے بجائے ایں توں سکھݨ دی لوڑھ اے ، کہیں ملک اچ احتجاج توں کوئی چیز حاصل نی کیتی ونڄ سڳدی ۔ انہاں آکھیے کیا شام، عراق، صومالیہ اچ امن اے؟جے تساں سوچیندو جو یورپ امریکا تساݙی مدد کریسن تاں ایویں بالکل ہی کائنی ، آئین حرف آخر کائنی ،اساکوں چاہیدے جو اساں آپمے نمائندے خود منتخب کروں۔اساکوں آپݨے پیغمبر صلی اللہ علیہ وآلہ وسلم اتے حضرت عمر دی زندگی توں طرز حکومت سکھݨا چاہیدے،انسان کوں سادہ زندگی گزارݨی چاہیدی اے،اڄ دے دور اچ سیاست ھک کاروبار بݨ ڳئے ۔
