اسلام آباد۔5ستمبر(اے پی پی)نگراں وفاقی وزیر اطلاعات و نشریات مرتضیٰ سولنگی پاکستان اتے ایران وچال میڈیا دے شعباں اچ تعاون اتے معاشی تعلقات ٻئے تکڑے تے زور ݙیندے َآکھیے جو ݙوہیں ملک ڳھاٹے مذہبی، ثقافتی و لسانی رشتیاں نال جڑیے ہوئن، نگراں حکومت دا بنیادی مینڈیٹ انتخابی عمل اچ ہتھ ونݙاوݨ اتے نگرانی اے، پرامن انتخابات ساݙی ترجیح اے۔ اے ڳالھ انہاں ایران دے سفیر رضا امیری مغدام نال الیندے آکھی۔ انہاں باہمی دلچسپی دے امور، ݙوطرفہ تعلقات اتے میڈیا دے شعبہ اچ تعاون ودھاوݨ تے الایا۔ انہاں ݙوہاں ملکاں وچال اقتصادی، تجارتی، ثقافتی، سیاحت اتے عوامی سطح تے روابط سودھا مختلف شعباں اچ ݙوطرفہ تعاون تکڑا کرݨ سودھا میڈیا اتے ثقافتی وفداں دے تبادلے تے وی اتفاق کیتا ڳئے۔
