اسلام آباد۔20نومبر (اے پی پی) وزیر اعظم عمران خان آکھیا جو عوامی مسئلے دے حل بارے غلط بیانی کرݨ آلے افسراں دے خلاف فوری کاروائی کیتی ونڄے، سٹیزن پورٹل تے عوامی شکایتاں کوں خود مانیٹر کرینداں، شہریاں دی شکایت دے ڄل تے غلط بیانی کرݨ آلے افسراں نال رعایت کائنا کیتی ویسی۔ ہفتے کوں پی ایم ڈی یو دی رپورٹ دے بعد وزیراعظم صوبیاں دے چیف سیکرٹریز اتے آئی جیز کوں ہدایت کریندیں ہوئیں آکھیا جو عوام مسئلے دے حل اچ کوئی کوتائی بلکل برداشت کائنا کیتی ویسی۔ سٹیزن پورٹل تے عوامی مسئلے دے حل اچ سرکاری افسراں دی جعل سازی دے انکشاف اتے افسراں دے خلاف کاروائیاں دی رپورٹ وزیراعظم کوں پیش کیتی ڳئی۔ ۔رپورٹ دے مطابق پنجاب دے 154،کے پی کے 86،سندھ دے 3 اتے وفاق دے 11 افسراں دے ڈیش بورڈز دی تحقیقات کیتی ڳئی اے۔
