اسلام آباد۔18ستمبر(اے پی پی)وزیراعلیٰ سندھ مراد علی شاہ نال وفاقی وزیر برائے منصوبہ بندی و ترقی احسن اقبال ملین اتے انہاں سیلاب دی صورتحال، پاݨی دی نکاسی سودھا امدادی کماں تے الایا۔ احسن اقبال آکھیا جو وزیراعظم شہباز شریف دی ہدایت تے وزیراعلیٰ سندھ نال رابطے اچ ہیں، فوری ضروری سامان ݙیوݨ کیتے وفاقی حکومت ہر ممکن ہتھ ونݙیسی، وزیراعظم موسمی تبدیلیاں بارے سارے صوبیان نال صلاح مشورے کریسن۔ مراد علی شاہ سندھ اچ سیلاب توں بعد دی صورتحال تے وفاقی وزیر کوں تفصیل ݙسائی۔ انہاں آکھیا جو متاثرین کوں خوراک و ادویات خاص کر ٻالاں کیتے طبی اقدامات دی لوڑھ اے، سخت موسم نال نݨݨ کیتے خیمے اتے کمبل لوڑھ ہین، روڈ اتے ریل نیٹ ورک دی بحالی تے کم تھیندا پئے، متاثرین دے مسلیاں دے حل کیتے عالمی برادری کوں اڳو آوݨا ہوسی۔
