اسلام آباد۔29ستمبر (اے پی پی):عالمی بینک آکھیے جو پاکستان اچ اڄوکے مینھ تے سیلاب پاروں سارے ملک اچ 24 ہزارسکول تباہ یامتاثرتھی چکن ، اے ڳالھ عالمی بینک دی طرفوں ھک رپورٹ اچ ݙسائی آکھی ڳئی اے ۔رپورٹ اچ ݙسایا ڳئے جو سکولاں تے تعلیمی اداریں دے تباہ یامتاثرتھیوݨ توں ھک اندازے دے مطابق 35 لکھ طلبا وطالبات دا تعلیمی سفررک ڳئے ۔ سیلاب توں متاثرہ علاقیں اچ تعلیمی نظام کوں جیڑھا ضیان تھئے ایندی شدت کوویڈ دے دوران لاک ڈائون پاروں سکولاں دی بندش توں تھیوݨ آلے ضیان توں ودھ تھی سڳدی اے ۔رپورٹ اچ ضلع ڈیرہ غازی خان دے گورنمنٹ ہائی سکول احمدانی دی تفصیل دا ذکر کیتا ڳئے جیڑھا 1916 اچ بݨایا ڳٰیا ہئی تے او کئی نسلاں کوں زیورتعلیم نال آراستہ کیتے، مذکورہ سکول مکمل طورتے تباہ تھی چکے تے ہݨ اتھاں تعلیمی سرگرمیاں جاری رکھݨ ممکن کائنی ۔صوبہ سندھ اچ 39 فیصد پرائمری اتے سیکنڈری سکولز کوں سیلاب توں ضیان تھئے ، امدادی کارکناں آکھیے اکثرمتاثرہ علاقیں اچ سیلاب توں بچݨ آلیاں سکول دیاں عمارتاں عارضی پناہ گاہواں دے طورتے استعمال تھیندیاں پئن ۔
