اسلام آباد۔27دسمبر(اے پی پی) صدر مملکت ڈاکٹر عارف علوی وفاقی محتسب انسدادِ ہراسیت دے انہاں احکامات کوں برقرار رکھیے جو چار بھیݨاں کوں انہاں دے مرحوم والد دی وراثت اچ ملݨ آلی جائیداد اچ انہاں دا حصہ ݙیوݨ دے بعد جائیداد کوں کھلی نیلامی/فروخت اتے ایندے توں ملݨ آلی رقم سارے بھیݨ بھراویں اچ ونڈی ویسی ۔ ایوان صدر دے پریس ونگ توں جاری بیان موجب صدر مملکت اے احکامات انفورسمنٹ آف ویمنز پراپرٹی رائٹس ایکٹ 2019 دے تحت ݙتن، چار بھیݨاں وفاقی محتسب انسدادِ ہراسیت توں شکایت کیتی ہئی جو انہاں دے بھراویں اپݨے متوفی والد دی جائیداد اچ آپݨا وراثتی حق ݙیوݨ توں انکار کرݙتا ہئی تے درخواست کیتی ہئی جو انہاں دا متعلقہ حصہ انہاں کوں ݙیوایا ونڄے۔ صدر مملکت وفاقی محتسب انسدادِ ہراسیت بمقام ِ کار دے احکامات کوں برقرار رکھیے، صدر 4 بھیݨاں کوں وراثتی جائیداد اچ حصہ ݙیوݨ دا حکم برقرار رکھیندے ہوئیں آپݨے فیصلے ا آکھیے جو وراثتی جائیداد دی فروخت توں ملݨ آلی رقم سارے بھیݨ بھراویں اچ حصے دے مطابق ونڈٰ ویسی ۔ چار بھیݨاں دی طرفوں وراثتی حق نہ ݙیوݨ تے انسدادِ ہراسیت محتسب کوں شکایت کیتی ہئی۔ تنویر سرفراز خان فیصلے دے خلاف صدر مملکت کوں درخواست دائر کیتی جیں کوں صدر مذکورہ بنیاداں تےمسترد کرݙتے۔
