راولپنڈی ۔25اکتوبر(اے پی پی) پاکستان اتے روسی فوج وچال دہشت گردی دے خلاف مشترکہ مشق “دروزبہ VII” مک ڳئی اے۔ مشق اچ پاک فوج دے اسپیشل فورسز اتے روسی فوج دے 54 اہلکاراں حصہ ڳھدے۔ آئی ایس پی آر دے مطابق مشق دی اختتامی تقریب نیشنل کاؤنٹر ٹیررازم سینٹر پبی اچ تھئی۔ ݙو ہفتے جاری رہݨ آلی مشق 13 اکتوبر 2024 کوں شروع تھئی ہئی۔ چھیکڑی تقریب دے مہمان خصوصی انسپکٹر جنرل ٹریننگ اتے ایویلیوایشن، لیفٹیننٹ جنرل فیاض حسین شاہ ہن۔ تقریب اچ روس دے سفیرالبرٹ پی خوروف وی شرکت کیتی۔ مشق اچ ݙوطرفہ اعلیٰ پیشہ ورانہ مہارت ݙکھائی ڳئی۔ مشق دا مقصد ڈرلز، طریقہ کار اتے تکنیکاں کوں بہتر ٻݨاوݨ اے۔
