اسلام آباد۔21اگست (اے پی پی) نگراں وزیراعظم انوار الحق کاکڑ فیصل آباد دی تحصیل جڑانوالہ دے دورے کیتے روانہ تھی ڳئن۔ وزیر اعظم آفس میڈیا ونگ توں جاری بیان موجب وزیراعظم آپݨے دورے اچ سانحہ جڑانوالہ دے متاثرہ ٹٻراں نال یک جہتی کریسن اتے متاثرہ ٹبراں اچ امدادی چیکس تقسیم کریسن۔ نگراں وزیراعظم ایں دورے اچ متاثرہ گرجا گھراں دی نویں سروں تعمیر دی پیشرفت دا جائزہ وی ڳھنسن۔ ایں موقع تے وزیراعظم شرکاء نال خطاب وی کریسن۔
