راولپنڈی ۔4نومبر(اے پی پی) سکیورٹی فورسز دے پی اے ایف ٹریننگ ایئربیس میانوالی اچ کومبنگ اینڈ کلیئرنس آپریشن مکمل کرتے سارے 9 دہشت گرداں کوں جہنم واصل کرݙتے ۔ آئی ایس پی آر موجب ہفتے دی سویل ائر بیس تے بزدلانہ اتے ناکام دہشت گردانہ حملے دے بعد نیڑے علاقے اچ کہیں وی ممکنہ خطرے کوں مکاوݨ کیتے سکیورٹی فورسز دی طرفوݨ کامیاب آپریشن شروع کیتا ڳیا ۔پی اے ایف دے فنکشنل آپریشنل اثاثیں اچوں کہیں کوں کوئی ضیان نی پڄا جݙاں جو حملے اچ صرف3غیر آپریشنل طیاریں کوں کجھ ضیان پڄے ۔آپریشن دا فوری اتے پیشہ ورانہ اختتام امن دے سارے دشمناں کیتے ھک واضح پیغام اے۔پاکستان دی مسلح افواج چوکس رہندی اے تے کہیں وی خطرے نال نبݨݨ کیتے وطن دا دفاع کرݨ دی پوری صلاحیت رکھیندیاے ۔ واضح رہے جو پاک فوج پاکستان ایئرفورس ٹریننگ ایئربیس میانوالی تے دہشتگرداں دا حملہ ناکام بݨا ݙتے ۔آئی ایس پی آرموجب دہشتگرداں میانوالی ٹریننگ ائیربیس تے سویلے حملے دی کوشش کیتی ۔ پاک فوج دی وختی کارروائی دے نتیجے اچ 3دہشتگرد ماریے ڳئن۔ایں حملے اچ پہلے توں گراؤنڈ کیتے ڳئے 3 طیاریں تے فیول باوزر کوں ضیان پڄے جݙاں جو نینگراں اثاثیں دی حفاظت یقینی بݨائی اے ۔مشترکہ کلیئرنگ اتے کومبنگ آپریشن دے دوران باقی 3 دہشتگرداں کوں گھیرے اچ گھن ڳھدا ڳئے۔آئی ایس پی آردا آکھݨ اے پاکستان دی مسلح افواج ملک توں دہشت گردی دی لعنت کوں ہر قیمت تے مکاوݨ کیتے پرعزم اے ۔
