اسلام آباد۔17مئی(اے پی پی):پاکستان آکھیے جو او جنرل اسمبلی دے10 ویں ہنگامی خصوصی اجلاس اچ فلسطین کوں اقوام متحدہ دے مکمل رکن دے طور تے منݨ دے تاریخی مطالبے دی حمایت کریندے۔ دفتر خارجہ دی ترجمان ممتاز زہرہ بلوچ پریس بریفنگ اچ آکھیے جو قرارداد موجب فلسطین اقوام متحدہ دی رکنیت کیتے اہل اے اتے سلامتی کونسل کوں ایں معاملے تے چنڳاں غور کرݨ دا آکھیا ڳئے، اقوام متحدہ دی جنرل اسمبلی، اقوام متحدہ دی سلامتی کونسل کوں ہک ٻیا موقع ݙتے جو او اقوام متحدہ اچ فلسطین دے داخلے تے اپݨا اعتراض ختم کریندے ہوئے اتے ایں یقین دی ساکھ بحال کرے ڄیڑھا ݙو ریاستی حل دی حمایت کیتے ݙتا ڳئے۔ ترجمان موجب قرارداد دی منظوری فلسطینی عوام دے خلاف تاریخی ناانصافیاں مکاوݨ کیتے ہک جزوی ٻھل اہم قدم اے، اے 4 جون 1967 دی سرحداں نال ہک قابل عمل اتے متصل فلسطینی ریاست سانڳے امن عمل دی بحالی اچ سوکھ ݙیسی جیندا دارالحکومت القدس الشریف ہوسی۔
