اسلام آباد۔11اپریل (اے پی پی):پاکستان تحریک انصاف آرٹیکل 63 اے دی تشریح کیتے دائر صدارتی ریفرنس دی سماعت کیتے سپریم کورٹ توں فل کورٹ تشکیل ݙیوݨ دی درخواست کرݙتی ۔ سنوار کوں پاکستان تحریک انصاف دے رہنما ایڈوکیٹ بابر اعوان دی طرفوں عدالت عظمی اچ دائر درخواست اچ موقف اختیار کیتا ڳئے جو صدارتی ریفرنس اچ اہم قانونی سوالات ہن،سپریم کورٹ دا پنج رکنی لارجر بینچ تحریک عدم اعتماد متعلق کیس سݨ چکیے ،کیس اچ پارلیمان دی بالادستی اتے پارلیمانی نظام حکومت دے مستقبل دا وی سوال اے،سابق وزیراعظم ذوالفقار علی بھٹو اتے اٹھارویں ترمیم سودھے عوامی مفاد دے ٻہوں سارے ریفرنس فل کورٹ اچ سݨیے ڳئے ، عدالت توں استدعا اےجو آرٹیکل 63 اے دی تشریح متعلق دائر صدارتی ریفرنس وی فل کورٹ سݨے۔
