اسلام آباد۔19مئی(اے پی پی) وزیراعظم محمد شہباز شریف آکھیے مند پشین بارڈر مارکیٹ اتے گبد پولان ٹرانسمیشن لائن منصوبیں توں سماجی و اقتصادی ترقی دے نویں مواقع پیدا تھیسن تے لوکاں دا معیار زندگی بلند تھیسی ۔ وزیراعظم آکھیے ایران دے صدر ڈاکٹر ابراہیم رئیسی دے نال انہاں دی انتہائی تعمیری اتےنتیجہ خیز ملاقات تھئی اے ۔ ملاقات اچ ݙو طرفہ تعلقات دے ودھارے کیتے اجتماعی کوششاں کوں تکھا کرݨ تے اتفاق تھئے ۔وزیراعظم آکھیے اساں مستقبل دے تعاون دے روڈ میپ کیتے تجارت، سرمایہ کاری، انفارمیشن ٹیکنالوجی، زراعت اتے بجلی دے شعبیں کوں ترجیحات بݨائے ، ایں مقصد کیتے آزاد تجارت دے معاہدے تے کم دی رفتار تکھی کرݨ کوں ترجیح ݙتی ویسی ۔ وزیراعظم آکھیے کل بلوچستان دے لوکاں کیتے ھک یادگار ݙینھ ہئی ۔ مندپشین بارڈر مارکیٹ تے پولان گبد ٹرانسمیشن لائن دے مشترکہ افتتاح توں سماجی و اقتصادی ترقی دے نویں موقع پیدا تھیسن تے لوکاں دا معیار زندگی بلند تھیسی ۔ انہاں آکھیے سرحدی منڈیاں دے ذریعے تجارت دی وݙی گنجائش اے جنہاں توں فیدہ چسیوں ،، مند پشین بارڈر مارکیٹ 6سرحدی مارکیٹاں اچوں ھک اے ۔ انہاں آکھیے انہاں سارے لوکاں کوں خراج تحسین پیش کرینداں جنہاں 2009 توں زیر التوا ٹرانسمیشن لائن منصوبے دی ریکارڈ چار مہینے اچ تکمیل کوں یقینی بݨائے ۔
