اسلام آباد۔20اپریل (اے پی پی):وفاقی وزیر اطلاعات و نشریات مریم اورنگزیب آکھیے جو وزیراعظم ہاؤس دے علاوہ کہیں ٻئی جاہ کوں کیمپ آفس ڈکلیئر نی کیتا ڳیا ، بے بنیاد اتے آپوں گھڑیاں خبراں نہ کھنڈائیاں ونڄن ۔اے ڳالھ انہاں ٻدھ کوں آپݨے ھک بیان اچ آکھی اے وزیر اطلاعات و نشریات آکھیے جو وزیراعظم شہباز شریف دے وزارت عظمیٰ دا منصب سنبھالݨ دے بعد میڈیا تے سماجی رابطیں دی ویب سائٹس تے بے بنیاد اتے آپوں گھڑیاں خبراں کھنڈاوݨ دا سلسلہ رکݨا چاہیدے ، انہاں آکھیے اداریہ نویس اتے میڈیا دے ساتھیاں توں گزارش اے جو ایجھی کوئی وی بے بنیاد خبر نشر کرݨ توں پہلے تصدیق کرگھنن، سوشل میڈیا صارفین توں وی گزارش اے جو ایجھے منفی پراپیگنڈے کوں مسترد کرݙیون ۔
