اسلام آباد۔16ستمبر (اے پی پی):وزیراعظم شہباز شریف شنگھائی تعاون تنظیم دے سربراہانِ مملکت دے سالانہ اجلاس اچ شرکت کیتے ݙو ݙینھ د دورہ ازبکستان دے موقع تے اڄ سمرقند اچ مصروف ݙینھ گزریشن ۔وزیر اعظم آفس دے میڈیا ونگ توں جاری بیان موجب وزیرِ اعظم آذربائیجان دے صدر الہام علیوف نال ملاقات کریسن ، ایں توں بعد وزیرِ اعظم چین دے صدر شی جن پنگ نال ملاقات کریسن ۔ ملاقات دے بعد وزیرِ اعظم شنگھائی تعاون تنظیم کونسل آف ہیڈز آف سٹیٹس اچ شرکت کیتے کانگرس سینٹر ویسن ،وزیرِ اعظم شنگھائی تعاون تنظیم دے سربراہان توں خطاب وی کریسن ۔بعد اچ وزیرِ اعظم قزاخستان دے صدر قاسم جو مارٹ توکایوف نال ملاقات کریسن ۔وزیرِ اعظم اپݨا دورہ مکݨ توں پہلے امام بخاری دے مزار تے حاضری وی ݙیسن۔
