اسلام آباد۔8جولائی (اے پی پی):صدر مملکت ڈاکٹر عارف علوی پاک فوج دے شہدا کے خانداناں نال فون تے ڳالھ مہاڑ کریندے ہوئیں شہدا کوں خراج عقیدت پیش کیتے تے او قوم و ملک کیتے انہاں دی خدمات دی تعریف کیتی ۔ ایوان صدر میڈیا ونگ توں جاری اعلامیہ موجب صدر مملکت ڈاکٹر عارف علوی 2 جولائی کوں بلوچستان اچ شہید تھیوݨ آلے میجر ثاقب باجوہ اتے نائیک علی باقر دے لواحقین نال فون تے ڳالھ کیتی ، انہاں 20 جون کوں شمالی وزیرستان اچ شہید تھیوݨ آلے سپاہی گل رؤف دے ورثاء نال وی اظہارِ افسوس کیتے۔ صدر مملکت شہدا اتے انہاں دے خانداناں دے جذبہ حب الوطنی اتے ایثار کوں سلام پیش کیتے تے قوم دی طرفوں شہدا تے انہاں دے خانداناں کوں خراج عقیدت پیش کیتے۔
