اولان باتور – 04 مارچ (اي پي پي) منگوليا ۾ شديد ٿڌ سبب 30 لک جانور مري ويا. شنهوا مطابق ملڪ جي اسٽيٽ ايمرجنسي ڪميشن چيو ته شديد ٿڌي موسم جنهن کي مقامي طور تي ”ڊزڊ“ جي نالي سان سڃاتو وڃي ٿو، ان سبب هن وقت تائين منگوليا ۾ 30 لک کان وڌيڪ چوپايو مال مري چڪو آهي. منگوليا ۾ هلندڙ سياري جي موسم ۾ معمول کان کان ڪيترائي ڀيرا وڌيڪ برفباري ٿي آهي جنهن سبب ملڪ جو 80 سيڪڙو کان وڌيڪ علائقو هن وقت تائين 100 سينٽي ميٽر تائين برف سان ڍڪيل آهي.
