اسلام آباد۔15اگست(اے پی پی)صدر مملکت ڈاکٹر عارف علوی نینگراں اتے تریمتیں کوں معیاری تعلیم، کاروباری سرگرمیاں اچ رلاوݨ تے زور ݙیندے آکھیے جو نویں افسران جدید علم، پیشہ ورانہ اتے تکنیکی مہارتاں سکھن، افسران عام لوکاں تئیں اپݨی پڄ یقینی ٻݨاون اتے سرکاری ذمہ داریاں عاجزی و انصاف نال ادا کرن۔ اے ڳالھ انہاں ایوان صدر اسلام آباد اچ پاکستان آڈٹ اینڈ اکائونٹس سروس دے 49 ویں سپیشلائزڈ ٹریننگ پروگرام دے زیر تربیت افسران نال ملݨ ویلھے آکھی۔ ایں موقع تے آڈیٹر جنرل آف پاکستان محمد اجمل گوندل، ایڈیشنل اے جی پی سید سجاد حیدر، ریکٹر پاکستان آڈٹ اینڈ اکائونٹس سروس اکیڈمی نعمانہ گل رخ فرید اتے سینئر حکام موجود ہن۔ صدر مملکت آکھیا جو پبلک سیکٹر دے آڈٹ و اکائونٹس دے محکمے بہترین بین الاقوامی طریقاں اتے جدید تکنیکی آلات اپناون، بہتر اکائونٹنگ نال بہتر مالیاتی کنٹرول و عوام دے بہترین مفاد اچ عوامی فنڈز دے موثر اتے شفاف استعمال اچ مدد ملسی۔
