اسلام آباد۔9دسمبر (اے پی پی) وزیراعظم دے کوآرڈینیٹر برائے قومی صحت ڈاکٹر مختار بھرتھ آکھیا جو وزیراعظم دے وژن دے مطابق ہسپتالاں اچ کوالٹی آف سروس دی فراہمی اساݙا پہلا ایجنڈا اے۔ اے ڳالھیں انہاں پمز ہسپتال اچ کارڈیک سینٹر دا دورہ کریندیں ہوئیں آکھی۔ انہاں آکھیا جو وزیراعظم دی ہدایت تے کارڈیک سینٹر دی ایکسٹینشن کیتی ویندی پئی اے۔ انہاں کارڈیک سینٹر اچ ݙتی ڳئی سہولتاں دا جائزہ ڳھدا۔ انہاں آکھیا جو سٹیٹ آف آرٹ کارڈیک سینٹر ویلھے دی اہم لوڑھ اے۔ کارڈیک سینٹر اچ کیتھ لیب اتے سٹیٹ آف آرٹ سہولیات ہوسی۔ ایمرجنسی دے بیڈز دی تعدد وی دوگنی تھی ویسی۔
