گوادر۔27جولائی(اے پی پی):وزیراعظم محمدشہباز شریف آکھیے جو گوادر اتے بلوچستان دے وسائل تے پہلا حق اتھو دے عوام دا اے، ہمسایہ ملکاں اچ ٻیٹھے ملک دشمن نئیں چاہندے جو بلوچستان ترقی کرے اتے اتھاں سیاسی استحکام آوے، بلوچستان اپݨی مرضی نال پاکستان اچ رلݨ دا فیصلہ کیتا ہا، بلوچستان کوں ترقی و خوشحالی دی دروک اچ اڳو تے ڳھن آوݨ ترجیح اے، گوادر بہترین بندرگاہ ٻݨسی۔ گوادر بزنس سینٹر اچ مستحق ماہی گیراں کوں امدادی چیک اتے گوادر یونیورسٹی دے طلباء وطالبات کوں لیپ ٹاپس ونݙݨ دی تقریب نال خطاب کریندے انہاں آکھیا جو بلوچستان بہادر اتے دلیر بلوچاں، پختوناں، براہوی اتے ٻیاں اقوام دا صوبہ اے جیندے اچ ودھ وسائل موجود ہین۔ وزیراعظم آکھیے جو اے سافا فرض اے جو اساں بلوچستان دے عوام دی تقدیر بدلݨی اے، اسآں اوکھ دے باوجود صوبہ دی ترقی و خوشحالی کیتے کم کیتے، حکومت شفاف طریقے نال سیلاب متاثرین دا ہتھ ونݙائے، بلوچستان اچ ودھ معدنیات ہین، سوئی گیس، ریکوڈک اتے سینڈک دے خزانے ہین، صوبہ دے وسائل تے سب توں پہلا حق صوبہ دے عوام دا اے، گوادر اتے سی پیکے فیدہ بلوچستان دے عوام کوں ضرور پڄسی، ایندے نال لوکاں دا ڄیوݨ اتے رہݨ سہݨ سوکھا تھیسی، گوادر بندرگاہ دی ڈریجنگ(صفائی) باقاعدقی نال تھیوݨی چاہیدی اے، این سانڳے معاہدہ تھی ڳئے اتے فروری مارچ تئیں بندرگارہ دی صفائی دا کم مکمل تھی ویسی۔ وزیراعظم آکھیے جو ملک اچ تجارت اتےس رمایہ کاری کیتے بیرونی سرمایہ کاراں کوں ودھ سہولتاں اتے تحفظ ݙیسوں، دشمن نعیں چاہندا جو بلوچستان اتے خاص کر پاکستان ترقی کرے، لیپ ٹاپ اچ بلوچستان کوں کوٹے توں ودھ 14 فیصد حصہ ݙیندے پئے ہیں۔
