اسلام آباد۔9اکتوبر (اے پی پی) نگران وزیراعظم انوارالحق کاکڑ نال نگران وفاقی وزیر براے توانائی محمّد علی ملاقات کیتی۔ سنوار کوں وزیراعظم آفس دے میڈیا ونگ توں جاری بیان موجب ملاقات اچ وزارت توانائی اتے پیٹرولیم ڈویژن دے معاملیاں تے ڳالھ تھئی۔ ملاقات اچ وزیراعظم کوں خصوصی سرمایہ کاری سہولت کونسل دے تحت بلوچستان اتے ملک دے ٻئے حصیاں اچ معدنیات دے شعبے اچ ٻاہرلی سرمایہ کاری ودھاوݨ تے تفصیلی بریفنگ ݙتی ڳئی۔ وزیراعظم بجلی چوراں دے خلاف آپریشن تے وزارت توانائی اتے قانون نافذ کرݨ آلے اداریاں دی تعریف کیتی۔
